Пентагон вакилининг сўзларига кўра, ҳарбий-ҳаво кучлари самолётнинг оддий визуал текширувини ўтказишаётган бўлган.
Америка ҳарбийлари F-15 минг метр атрофидаги хавфсиз масофада бўлганини иддао қилмоқда. Экипаж халқаро стандартларга мувофиқ ҳаракатланган.
Олдинроқ Reuters агентлиги Эрон расмий ОАВга таяниб хабар беришича, қирувчиларнинг яқинлашиши натижасида Эроннинг Mahan Air компанияси самолёти тўқнашувдан қочиш мақсадида баландликни зудлик билан ўзгартиришга мажбур бўлган. Манёвр оқибатида бир неча йўловчи жароҳат олган. Кейинроқ, Теҳрондан учган лайнер Байрутга соғ омон қўнган.
Эрон ташқи ишлар вазирлиги керакли юридик ва сиёсий чораларни кўришини баён қилди. Теҳрон БМТ бош котиби ва АҚШнинг Эрон ҳудудидаги манфаатларини ифода этадиган Швейцария элчиси билан боғланган.
АҚШ ва Исроил узоқ вақтдан бери Mahan Air ни Сурия ва бошқа мамлакатлардаги жиҳодчилар учун қурол ташишда айблаб келади. 2011 йилда АҚШ авиакомпанияга қарши санкцииялар жорий этган.
Яқин Шарқдаги вазият 23 июль куни яна кескинлашди. Ўшанда Исроил Ливан билан чегарага Сурияда Ливаннинг радикал “Ҳизбуллоҳ” гуруҳи жангчиси ўлдирилганига жавоб чоралари қўлланилишидан чўчиб, қўшимча бўлинмалар ташлашга қарор қилди. Айнан шунинг учун қирувчиларнинг Эрон самолётига яқинлашувидан сўнг илк гумон Исроилга тушди.