Ссылки доступа

Ооганстан: түрмөгө жасалган чабуулдан ондогон киши өлүп, жүздөгөн соттолуучу качып кетти


Ооганстанда 3-августка караган түнү «Ислам мамлекети» (ИМ) экстремисттик тобу Нангархар провинциясындагы түрмөгө чабуул жасап, бери дегенде 39 киши мерт болду.

Ооган аткаминерлери өлгөндөрдүн арасында жай тургундар, коопсуздук күчтөрүнүн кызматкерлери, соттолуучулар бар экенин билдирди. Алардын маалыматына караганда, 10 жоочу өлтүрүлгөн. ИМ тобу Amaq агенттиги аркылуу жоопкерчиликти өз мойнуна алганын жарыялады.

Жоочулар чабуулдун башында Желалабад шаарындагы түрмөнүн аймагындагы автоунааны жардырып жиберишкен. Алар абактын ичине кирип келишкен соң коопсуздук күчтөрү менен атышуу болгон. Чабуулдун жыйынтыгында жоочулар 1 800дөй соттолуучуну бошотууга үлгүрүшкөн. Алардын арасында талибдер, ИМ тобунун мүчөлөрү жана башка кылмышкерлер болгон.

3-август күнү эртең менен коңшу имаратта жайгашкан коопсуздук күчтөрү менен атышуу уланган. Ооган аткаминерлери түштөн кийин чабуул токтогонун, бирок түрмөдөн качып чыккан соттолуучулардын көбү эркиндикте экенин билдиришти.

Видео

Видео

Нарындагы памирлик кыргыздар Алайга көчтү
пожалуйста, подождите

No media source currently available

0:00 0:02:42 0:00
XS
SM
MD
LG