Ссылки доступа

Түркіменстанда антисептикті ұшақ арқылы сеуіп жатыр


Түркіменбашыдағы мұнай өндіру зауытының сыртқы көрінісі

Түркіменстанның батысындағы Түркіменбашы қаласында антисептикті ұшақ арқылы себе бастады. Бұл жөнінде Азаттықтың түркімен қызметі (Азатлык) хабарлады.

Редакция мұны коронавирус пандемиясымен байланыстырады.

Азатлык тілшісінің хабарлауынша, Құрбан айт мерекесі қарсаңында билік осындай шаралар жасаған. Түркіменбашыда қазір шамамен халық саны 70 мың адам. Мұнда ең ірі мұнай өңдеу зауыты бар.

Түркіменстан билігі әлі күнге дейін елде коронавируспен ауырғандар жоқ деп мәлімдеп келеді. Бірақ халықаралық әуе байланысын, пойыз қозғалысын уақытша тоқтатты.

Шілде айының ортасында Дүниежүзілік денсаулық сақтау ұйымы түркімен билігіне елде вирус бар деп есептеп, шаралар қолданыңдар деп ұсыныс айтқан.

XS
SM
MD
LG