Ссылки доступа

Бейрутта жарылған порттың басшылары үйқамаққа алынды


Ливан үкіметі портта болған жарылыстың себебін анықтағанша, ондағы басшылардың бәрін үйқамаққа алу жөнінде шешім шығарды. Бұл жөнінде ливандық LBCI басылымы жариялады.

Бейрут после взрыва. Как выглядит город, где взорвались 2750 тонн селитры
пожалуйста, подождите

No media source currently available

0:00 0:02:56 0:00

Ливан ішкі істер министрлігі Бейруттағы жарылысты бес күн ішінде ашық түрде зерттейтінін мәлімдеді. Жауаптылардың міндетті түрде жауапқа тартылатынын жеткізді.

Тергеушілер істі тексеруді бастап кетті деп жазады Associated Press. Қазір көптеген елдер Ливанға гуманитарлық көмек жіберіп жатыр.

4 тамызда Бейруттағы ірі портта жарылыс болып, кемінде 100 адам қаза тапты, 4 мыңнан астам адам жараланды. Жарылыс толқынын Бейруттан 240 шақырым жерде орналасқан Кипр де сезді.

Ливан астанасында 300 мыңнан астам тұрғын баспанасыз қалды. Жарылыс зардабы 3 млрд долларға бағаланып отыр. Қаладағы астық қорының 85 проценті жарылыстан зардап шекті.

Биліктің алдын ала болжамына сәйкес, жарылысқа себеп болған қоймада сақталған 2 750 тонна аммиак селитрасы. Ол 2014 жылы Rhosus кемесінен тәркіленген. Кеменің иесі Кипрде тұратын Ресей азаматы Игорь Гречушкин селитра жүгін Грузиядан Мозамбикке әкетіп бара жатып, жолда Бейрутке тоқтаған.

Кейін кеме қожайыны жүктен бас тартқан, ал кеме экипажы бірнеше жыл бойы Ливанда қалып қойған: тек жақын күндері ғана еліне қайтуына мүмкіндік алған еді.

Алдын ала мәлімет бойынша, жарылысқа селитра сақталған қоймаға жөндеу жұмыстары себеп болған.

XS
SM
MD
LG