Қозоғистон соғлиқни сақлаш вазири шу ҳафта бошида статистикани яқин бир икки кун ичида бирлаштириш режалаштирилаётганини айтган эди.
«Июль ўрталаридан биз шифокорларни ўқитиш ва барча ахборот йиғилиб борадиган компьютер тизими агрейдига ўргатиш устида иш олиб бораяпмиз», – дейди Багдат Кожахметов Соғлиқни сақлаш вазирининг 17 июлдан пневмония ҳолатларини COVID-19 статистикасида “коронавирус оқими” билан ҳисобга олишни бошлашга тайёргарлик кўришни бошлаш тўғрисидаги ишонтиришига таяниб.
Журналистларнинг “Бу икки статистика қачон бирлаштирилади – бир ҳафтадан кейинми, икки ёки уч ҳафтадан кейинми?” деган саволарига Багдат Кожахметов шундай жавоб берди: «Камида икки ҳафтадан кейин, балки уч ҳафтадан кейин, биз ҳафтадан-ҳафтага таққослаб умумий манзарани кўришимиз мумкин».
2 августдан бошлаб Соғлиқни сақлаш вазирлиги “COVID-19 аломатлари билан билан боғлиқ зотилжам касаллигининг ва ундан ўлганларнинг алоҳида статистикасини чоп этмоқда”. Бу статистикада бундай зотилжам билан оғриган ва ундан ўлганларни 1 августгача киритилмаслик қарорини вазирлик “техник сабаблар” билан изоҳламоқда.
Расмий маълумотларга кўра, августнинг биринчи олти кунида коронавирус аломати бўлган пневмониянинг 11 008 ҳолати ва 120 та ўлим ҳолати қайд этилган.
Коронавирус эпидемияси расман бошланганидан бери лаборатория йўли билан 96 922 беморда тасдиқланди, улардан 70 680 таси соғайган ва 1189 таси ўлган деб ҳисобланмоқда.