Ссылки доступа

Ду бародарро дар Туркманистон барои эътиқодашон бори дувум зиндонӣ карданд


Бародарон Сабуровҳо дар Туркманистон, ки пайрави Шоҳидони Яҳуво ҳастанд, бори дувум бо айни як айб зиндонӣ шуданд. Дар ин бора намояндаи созмони Шоҳидони Яҳуво Ҷаррод Лопес хабар дод.

Ба гуфтаи вай, додгоҳе дар Туркманистон рӯзи 6 август Элдор Сабурови 21-сола ва Санҷарбек Сабурови 25-соларо дусолӣ зиндонӣ кард. Ин ду бародар барои саркашӣ аз адои хизмати ҳарбӣ зиндонӣ шуданд. Бародарон ба далели боварҳои мазҳабиашон намехоҳанд, сарбоз шаванд.

Ба навиштаи созмони Шоҳидони Яҳуво, дар Туркманистон даҳҳо шаҳрванд ба далели ақидаҳои мазҳабиашон зиндонӣ ҳастанд.

Мушкили бародарон Сабуровҳо дар Туркманистон чанд сол аст, ки давом дорад. Санҷарбек Сабуров бори аввал дар соли 2016 зиндонӣ шуда буд. Он замон ҳам додгоҳ ӯро барои саркашӣ аз адои хизматӣ ҳарбӣ ва дар даст гирифтани силоҳ ду сол зиндонӣ карда буд.

XS
SM
MD
LG