Таъкидланишича, бу 11 август куни Россия президенти Владимир Путин рўйхатдан ўтгани ҳақида баёнот берган Россия вакцинасига таъллуқлидир.
«Айни дамда Қозоғистон вакциналарни сотиб олиш юзасидан бирорта ҳам шартнома имзоламаган, чунки вакциналар тўртинчи, финал синовларидан ўтмаган», – дея Коджахметов сўзларидан иқтибос келтиради маҳаллий ОАВ.
Маълумки, Россиянинг «Спутник V» номини олган вакцинаси зарур барча клиник синовлардан ўтмаган. Синовларнинг учинчи фазаси рўйхатдан ўтганидан сўнг ўтказилади. Россия ҳукумати баёнот бериб, биринчи бўлиб вакциналарни тиббиёт ходимлари ва ўқитувчилар олишини маълум қилди.
Россия тадқиқот ташкилотлари ва фармацевтика компанияларини бирлаштирувчи Клиник тадқиқотлар Ассоциацияси клиник синовларнинг учинчи фазаси якунланмасдан COVID-19га қарши вакцинани қайддан ўтказишни кечиктириб туришга чақирди.Таъкидланишича, рўйхатга олишнинг тезлаштирилиши вакцинадан фойдаланувчиларга хавф туғдириши мумкин экан. Россия Соғлиқни сақлаш соҳаси устидан назорат Федерал хизмати таклифни қўллаб-қувватламади. Жаҳон Соғлиқни сақлаш ташкилоти баёнот бериб, у ёки бу вакцинани фойдаланишни тавсия қилишдан аввал вакциналар диққат билан синовдан ўтиши, унинг хавфсизлиги ва самарадорлиги ўрганилиши кераклигини айтди.
Багдат Коджахметовнинг айтишича, аҳолининг 20 фоизи эмланиши учун вакциналар етказиб берилишига ишонтирган Вакцина ва иммунизациялаш Глобал альянси (GAVI) дастурига пул ўтказмаган. «Келишув имзоланди, аммо Шартнома ҳозирча имзоланмади. Шу сабабли тўлов бўлмади, бу фақат келишув ҳолос», – деди Коджахметов.
Матбуот котибининг айтишича, Қозоғистонда вакцинациядан ўтиши керак бўлган фуқаролар 2,18 миллион кишини, мамлакат аҳолисининг 11 фоизга яқинини ташкил қилади. Соғлиқни сақлаш вазирлигининг баёнот беришича, вакцина олувчилар сонини 20 фоизгача кўпайтириш имкониятлари кўриб чиқилмоқда.