“Ховар” янгиликлар Давлат агентлигининг МХДҚ жамоатчилик билан алоқалар Марказининг 18 август куни хабар қилишича, коррупцияга қарши кураш Агентлигининг мутахассиси Жонибек Махмадзода 17 август куни ўта йирик миқдорда пора олаётган вақтда МХДҚ ходимлари томонидан қўлга олинган.
«Ховар» хабарига кўра, 48 ёшли Махмадзода Агентликнинг марказий аппаратида иқтисодий объектлар, инвестициялар ва давлат қарзларини назорат қилиш Бошқармасида етакчи мутахассис бўлиб ишлаган.
Гарчи хабарда бу ходим “ўта йирик миқдорда пора олиш учун” қўлга олингани айтилсада, поранинг аниқ суммаси кўрсатилмаган. Шунингдек, Махмадзоданинг айнан қаерда қўлга олингани айтилмаган.
Расмийларнинг хабар беришича, Жонибек Махмадзодага нисбатан жиноиий иш қўзғатилган, тергов олиб борилмоқда. Махмадзода ўзининг бу борадаги фикри ҳозирча номаълум.