Шанба куни таҳминан 20.00 ларда Олмаотада бир гуруҳ фаоллар ва қўлга олинганларннинг қариндошлари полиция биноси олдида тўпланиб ушланганлар озод этилишини талаб қилдилар. Олмаоталик фаол Уласбек Ахметовнинг Facebook’даги саҳифасида эълон қилинган лавҳада одамларнинг «Бостандық!» («Озодлик!») дея бақирганлари кўриниб турибди. Полиция департаменти вакили Серик Байгожаевнинг баёнот беришича, намойиш «ноқонуний» бўлиб одамларни тарқалишга чақирди, бироқ намойишчилар ушланганлар озод қилинишини талаб қилдилар. Кейинроқ уларнинг олдига чиққан Олмаота шаҳар полиция департаменти бошлиғининг ўринбосари Рустам Абдрахмановга тўпланганлар 11 кишининг исмлари ёзилган рўйхатни бердилар ва улар озод қилинишини талаб қилдилар.
— Полиция махсус бўлинмасининг ходимлари уйни ағдар-тўнтар қилиб ташлашди. Улар эрта тонгда мен йўқлигимда вояга етмаган фарзандимни алдаб уйга киришган. Кейинқўрқитишиб, унинг компьютери блоки ва телефонларни олиб кетишган. Бу босқинчилик эмасми? — дейди Олмаоталик фаол Асхат Жексебаевнинг рафиқаси Шара Жексебаева. Аёл қўшимча қилар экан Оқтаулан Олмаотага олиб келинган эрининг озод этилишини талаб қилишини айтади.
— Қўлга олинганларнинг қаердалигини маълум қилишларини ва зудлик билан озод этишларини талаб қиламиз. Полициянинг бошқа бўлимлари мазкур департаментга бўйсинади, шу сабабли биз бошқа жойлардан уларни қидириб ўтирмаймиз, — дея баёнот беришди бир овоздан полиция биноси олдида тўпланганлар.
Улар томонидан полицияга берилган рўйхатда қуйидагилар бор: Абай Бегимбетов, Алибек Жылқайдаров, Болат Смагулов, Гульзипа Джаукерова, Даметкен Аспандиярова, Ельдар Смадиярова, Ермек Казиев, Қайрат Қилишев, Марат Айтбаев, Меирхан Абдиманапов, Нинагуль Жуманиязова.
Полиция департаменти бошлиғининг ўринбосари Рустам Абдрахмановнинг баёнот беришича, Абай Бегимбетов ва Гульзипа Джаукеровага нисбатан тергов ҳаракатлари олиб борилмоқда. Қолганлар қўйиб юборилган.
Фаол Уласбек Ахметовнинг Азаттиқ радиосига айтишича, Қайрат Қилишев, Марат Айтбаев ваМеирхан Абдиманапов саккиз кунга ҳибсга олинганини кейинроқ билган. Унинг сўзларига кўра, Оқтауда бўлган фаоллар Диана Баймагамбетова, Нурбол Онерхан, Бибигуль Мамай, Дидар Қаиров ва эр-хотин Айгуль Акбердиева ва Абловас Джумаевлар тинтувлардан сўнг махсус бўлинма ходимлари томонидан ушланган. Уласбек Ахметовнинг айтишича, фаоллар Нурбол Онерхан ваДидар Қаирбек 15 кунга, Бибигуль Мамай 10 кунга ҳибсга олинган.
Тармоқда пайдо бўлган видеода, Нур-Султонда фаол Асқар Қаирбек кўчада полиция ходимлари томонидан тўхтатилгани ва ушлангани акс этган.
Азаттиқ хавфсизлик идоралари ва суд вакилларидан изоҳ олишга муваффақ бўлмади. Уласбек Ахметовнинг хабар қилишича, шанба куни кечқурун полициядепартаменти биноси олдида тўплаганлар ўз талабларига расмийларнинг эътиборини тортиш мақсадида Олмаота шаҳар хокимияти томон йўл олишган.