Ссылки доступа

Жанубий Суданда самолёт қулаши оқибатида тожикистонлик икки учувчи ҳалок бўлди


Жанубий Суданда Ан-26 юк самолёти ҳалокатга учраши оқибатида тожикистонлик икки учувчи Парвиз Қадиров ва Мирсултон Мираҳмедов ҳалок бўлди, дея ёзади маҳаллий ОАВ Тожикистон ТИВга таянган ҳолда.

Ҳодиса 22 август куни юз берди. Вау ва Авейль аҳоли пунктлари томон парвоз қилаётган South West Aviation авиакомпаниясига қарашли самолёт Жуба аэропортидан ҳавога кўтарилганидан бир неча дақиқа ўтибқулаб тушди.

Тожикистон ТИВ маълумотига кўра, Қадиров бир ҳафта муқаддам иккинчи учувчи сифатида ишлаш учун Жанубий Суданга борган эди. Унинг акаси Хуршед вазирликка мурожаат қилиб укасининг жасадини ватанга олиб келишга ёрдам беришларини сўради.

Яна бир учувчи – Мирсултон Мираҳмедов Россия фуқоросидир.

Синьхуа агентлигининг хабар қилишича, ҳалокат оқибатида 17 киши, жумладан экипажнинг икки аъзоси вафот этди. Гувоҳларнинг журналистларга айтишларича, қутқарувчилар тирик ҳолда бир кишини самолётдан чиқариб олган ва шифохонага олиб боришган.

XS
SM
MD
LG