Ссылки доступа

Трамп АҚШ президентлигига республикачиларнинг номзоди бўлди


Дональд Трамп 2020 йил ноябрда бўлиб ўтадиган АҚШ президентлиги учун расман номзод бўлди. Унинг номзодини кўрсатиш тадбири Республикачилар партиясининг Шарлотта шаҳрида (Шимолий Каролина штати) бўлиб ўтган Миллий съездининг биринчи иш кунида ўтказилди.

АҚШнинг амалдаги вице-президенти Майк Пенс ҳам иккинчи бор бўлажак маъмуриятдаги иккинчи амал учун номзод бўлди.

Съезд ўтказилишида хавфсизлик чоралари кучайтирилди, ижтимоий масофа сақланди, ҳар бир делегат тестдан ўтказилди ва анжуманга келишларидан аввал анализ топширдилар.

Овоз бериш учун 336 нафар делегат – ҳар бир штатдан олти киши келди. Тадбир Шарлоттада расман очилганидан сўнг тўрт кунлик съезднинг асосий тадбирлари Вашингтон ва унинг яқинидаги шаҳарларда, шунингдек видеоформатда давом этади.

Ижтимоий сўров натижаларига қараганда, демократлар номзоди Джо Байден таҳминан 8-10 фоиз овоз билан Трампдан олдинда бормоқда. Республикачиларнинг бу галги съезди коронавирусга қарши етарлича кураша олмаслик, иқтисодиёт кучсизланиши ва ирқий тўлқинлар боис танқид қилинаётган амалдаги президентнинг обрўсини яхшилашга хизмат қилиши керак.

Нутқ сўзловчилар рўйхатига киритилган Трамп тарафдорлари орасида президент оиласининг аъзолари, Республикачилар партиясининг нуфузли аъзолари, Шимолий Каролина ва бошқа штат аҳолиси вакиллари бор.

FoxNews телеканалининг хабарига кўра, Шарлоттада съезд очилиши куни Республикачилар партиясининг конгрессменлардан иборат ўнлаб собиқ аъзолари «Республикачилар Байден учун» кампанияси доирасида Трамп рақибларининг саъй-ҳаракатларини қўллаб-қувватладилар.

Съезд иштирокчилари Республикачилар партиясининг 2020 йилги расмий платформасини овозга қўймайди. Бир овоздан қабул қилинган резолюцияда таъкидланишича, партия «президент томонидан илгари сурилган «Аввалламбор Америка» сиёсатини фаол қўллаб- қувватлайди.

XS
SM
MD
LG