Ссылки доступа

Токаев «өлкөнүн кризистен кийинки өнүгүшү» боюнча элге кайрылат


Казакстандын президенти Касым-Жомарт Токаев «өлкөнүн кризистен кийинки өнүгүшү» боюнча элге кайрылуу жасайт. Бул тууралуу казак мамлекет башчысынын басма сөз катчысы Берик Курмангали билдирди.

Анын айтымында, Токаевдин бул кайрылуусу былтыркыдай эле парламенттин эки палатасынын биргелешкен жыйынында жасалып, негизги бөлүгү экономикалык жана социалдык маселелерге арналат.

25-августта казак мажилисинин спикери Нурлан Нигматулин палаталардын жыйынын 1-сентябрда өткөрүү тууралуу буйрукка кол койгон.

Казакстандын экономикасы коронавирус пандемиясына жана мунай баасынын төмөндөгөнүнө байланыштуу оор кесепеттерге учуроодо. Быйыл өлкө COVID-19 пандемиясына байланыштуу эки жолу (жазында жана жайында) карантин киргизип, соода ишканалары менен кызмат көрсөтүү тармактарынын ишмердүүлүгүн убактылуу токтоткон. Апрель айында мунай баасынын төмөндөшү рекорддук көрсөткүчгө жеткен. Азыр Brent үлгүсүндөгү мунайдын баррели 40 доллардан сатылууда.

Видео

Видео

Лариса: Кыргыз тили кыйын болсо да окуйбуз
пожалуйста, подождите

No media source currently available

0:00 0:06:02 0:00
XS
SM
MD
LG