Ссылки доступа

Ўзбекистонда барча мактаб, боғча ва шифохоналар ходимлари гриппга қарши эмланади


Ўзбекистондаги барча мактабгача таълим, умумий ўрта таълим ва соғлиқни сақлаш муассасаларининг ходимлари 1 октябрга қадар марказлашган тартибда гриппга қарши эмланади.

Бу президент Шавкат Мирзиёев томонидан 26 август куни имзоланган «Аҳолини ижтимоий қўллаб-қувватлашга қаратилган қўшимча чора-тадбирлар тўғрисида»ги қарорда белгиланган.

Қарор билан Халқ таълими вазирлиги, Соғлиқни сақлаш вазирлиги ва Молия вазирлигининг Ўзбекистондаги барча умумий ўрта таълим муассасалари раҳбар, педагогик ва бошқа ходимларини марказлашган тартибда 2020 йил 1 октябрга қадар гриппга қарши эмлаш ҳақидаги таклифини маъқуллаган.

Қайд этилишича, эмланадиган мактабгача таълим, умумий ўрта таълим ва соғлиқни сақлаш муассасаларининг ходимларини сони 1,5 миллион кишини ташкил этади.

XS
SM
MD
LG