Полиция ҳудудни қуршаб олди, ҳокимият биноси олдидаги майдонга ўт ўчириш машиналари қўйилди.
— Ҳодиса жойига фавқулотда хизматларнинг ҳаммаси юборилди. Ҳодиса жойида сапёрлар ва кинологлар итлар билан фаолият юритди, — дея хабар берди Шарқий Қозоғистон вилоят полиция департаменти.
Соат 17да портловчи моддаларни қидириш ишлари якунланди. Бинода портловчи мосламалар топилмади.
Сўнгги ойда бу Семейда “миналаштириш” борасидаги учинчи хабардир. 9 август куни савдо маркази ва турар жой биносида портловчи мослама қўйилгани ҳақида хабар келди. 200 дан ортиқ киши эвакуация қилинди. Портловчи мослама топилмади. Полиция 9 август кунги миналаштириш борасида хабар берган шахс аниқлагани борасида маълумот бермади.
Қозоғистонда терроризм акти бўйича ёлғон хабар берганларга нисбатан беш йилгача озодликдан маҳрум қилиш ёки беш минг Ойлик ҳисоб кўрсаткичи ( 33 минг долларга яқин)гача жарима кўринишида жазо белгиланади.