Ссылки доступа

Семей әкімдігіне бомба қойылды деген хабардан кейін жүзден астам адам эвакуацияланды


Семей қалалық әкімдігі ғимаратында бомба бар екендігі туралы хабар түскеннен кейін, 170 адам эвакуацияланды. 27 тамызда түскі сағат 13:00 шамасында полицияға анонимді қоңырау түскен.

Полиция аймақты қоршауға алып, өрт сөндірушілер мен сапёрлар келген.

17:00-ге қарай жарылғыш затты іздестіру аяқталып, ғимарат ішінен бомба табылмағаны белгілі болды.

Соңғы бір ай ішінде Семейде бомба туралы үшінші рет анонимді қоңырау түскен. 9 тамызда қаладағы сауда орталықтарының біріне және тұрғын үйге бомба қойылғаны туралы хабар түскен. Онда 200-ден астам адам эвакуацияланып, бірақ жарылғыш зат табылмаған. Полиция бұл жөнінде хабар берген адамның анықталғаны-анықталмағаны туралы мәлімет бермеді.

Қазақстанда терроризм актісі туралы жалған мәлімет үшін бес жылға дейін бас бостандығынан айыру және 33 мың долларға дейін айыппұл салу жазасы қарастырылған.

XS
SM
MD
LG