Бу ҳақда 1 сентябр куни БМТнинг инсон ҳуқуқлари бўйича Олий комиссарлииги Бошқармаси сайтига жойлаштирилган хабарда маълум қилинган. БМТ экспертларининг таъкидлашларича, аёллар ва болаларга нисбатан зўрлик, жумладан жинсий зўравонлик ва резина таёқлар билан зўрлаш тўғрисидаги далиллар бор.
Яна, Беларусда камида олти кишининг қаердалиги ва уларнинг саломатлиги қариндошларига маълум эмаслиги таъкидланади.
БМТ мамлакат расмийларига мурожаат қилиб, ушланганларни қийноққа солиш тўхатилиши, ҳамда ҳибсга олинган намойишчиларни калтаклаган ва хўрлаган милиция ходимларини жавобгарликка тортишга чақирди. "Қийноқлардан халос бўлиш – жуда муҳим бўлган инсон ҳуқуқларидан биридир, бу ҳуқуқларни ҳар қандай вазиятда ҳам чеклаб ёки тўхтатиб бўлмайди", – дея таъкидлайди БМТ.
Беларусда бўлиб ўтган президентлик сайловларининг расмий натижаларига қарши оммавий норозиликларнинг биринчи кунида куч ишлатиш салоҳиятига эга идора ходимлари сув сепувчи мослама, шовқинли граната, резина ўқлар ва бошқа махсус воситаларни ишлатган ҳолда акцияларни шафқатсизларча тарқатди. Уч кун мобайнида, 9 августдан 11 августга қадар 7 мингга яқин киши ушланди, юзлаб одамлар зиён кўрди. Норозиликлар вақтида бир неча киши ҳалок бўлди. Ушлаганларнинг кўпчилиги СИЗОдаги қийноқлар ва ҳақоратлар ҳақида гапириб беришди.
Ҳозирча, "Интерфакс"нинг таъкидлашича, куч ишлатиш факти бўйича ҳуқуқ тартибот идоралари ходимларига нисбатан жиноий иш очилгани маълум эмас.