Бұл жөнінде 1 қыркүйекте БҰҰ-ның адам құқықтары жөніндегі Жоғарғы комиссары басқармасының сайтында жарияланған.
БҰҰ эксперттері әйелдер мен балаларды қорлап, зорлап, резіңке шоқпармен ұрып-cоққаны туралы мәлімет барын айтады.
Сонымен бірге ұсталған алты адамның тағдыры белгісіз дейді.
БҰҰ Беларусь билігін азаптауды тоқтатып, халыққа күш көрсеткен милиция қызметкерлерін жауапқа тартуға шақырған. "Азаптаудан азат ету – адам құқықтарының ең маңызды құқығы" деп атап өтеді БҰҰ.
Беларусьта президент сайлауының нәтижесіне қарсы акция кезінде милиция өкілдері оларға күш қолданып, жаппай ұстаған. 9-11 тамыз аралығында 7 мыңға жуық адам ұсталып, жүздеген адам зардап шеккен. Абақтыдан шыққандардың дені азапталғанын айтты.