Бархе аз дигар фаъолон пушти дари Додгоҳ олӣ ҷамъ шуданд ва аз тасмими Комисияи марказии интихоботӣ оид ба баҳси додгоҳӣ бо ҳизби "Қирғизистон" ҷонибдорӣ карданд.
Иддаи дигар назди комисияи марказии интихоботӣ омаданд ва талаб карданд, ки ҳизби "Қирғизистон" аз маъракаи интихоботӣ маҳрум карда шавад. Ба гуфтаи ҷамъшудаҳо, мардум аз тасмими Комисия дар бораи роҳ надодани ҳизби "Қирғизистон" ба маъракаи интихоботӣ ҷонибдорӣ мекунанд.
Додгоҳи олии он кишвар рӯзи 1 сентябр шикояти ҳизби "Қирғизистон"-ро дар бораи маҳрум шудан аз маъракаи интихоботӣ баррасӣ кард ва иҷоза дод, ки ҳизб дар интихобот ширкат варзад.
Додгоҳ гуфт, тасмими Комисия дар бораи баргардонидани ҳуҷҷатҳои ҳизб ғайриқонунӣ аст ва Комисия бояд ҳуҷҷатҳоро пазирад.
Комисияи марказии интихоботии Қирғизистон рӯзи 24 август қабули ҳуҷҷатҳоро барои иштирок дар маъракаи интихобот ба поё расонд. Комисия гуфт, то соати 18:00 рӯзи 24 август 17 ҳизби сиёсӣ ҳуҷҷат супурдаанд. Комисияи интихоботӣ рӯзи 25 август ҳуҷҷатҳои ҳизби "Қирғизистон"-ро ба далели вайрон кардани тартиби супоридани онҳо, баргардониданд.
Ҳизби "Қирғизистон" аз болои ин тасмим ба додгоҳ шикоят бурд.