Қозоғистон Соғлиқни сақлаш вазирлиги ПЗР тести манфий, аммо аломатлари бир ҳил бўлишига қарамай «ковидсифат зотилжамни» умумий— коронавирус инфекцияси статистикасига қўшмайди. Вазирлик зотилжам бўйича маълумотларни 1 августдан бошлаб ҳисоблайди.
Қозоғистонда 2020 йилнинг 1 августидан бери 26 803 та «ковидсифат зотилжам» қайд қилинди, шу вақтда 305 киши вафот этди, 5 831 киши соғайиб кетди.
Кеча Қозоғистонда «ковидсифат зотилжам» рекорд даражага (571та ҳолат) чиқди, бир кун аввал 27 та ҳолат қайд қилинган эди. Шу каби сакрашларни ҳукумат узоқ давом этган дам олишлар билан изоҳламоқда (31 августда Қозоғистонда Конституция куни муносабати билан дам олиш куни бўлди).