Ссылки доступа

Сокинони шаҳри Нурсултон намехоҳанд, дар наздикии биноҳои онҳо манзилҳои нав сохта шавад


Сокинони чанд бинои баландошёна дар шаҳри Нурсултони Қазоқистон рӯзи 7 сентябр гирди ҳам омада, аз сохтани биноҳои нав дар зичии манзилҳояшон эътироз карданд.

Сокинон дар даст шиорҳои "Мо акнун дар куҷо бозӣ кунем?", "Дар чунин шароите кӯдаконро чи гуна омӯзиш диҳем?" доштанд ва ҳам шиорҳои "Мо зид!", "Тоқаев, моро бишунав" сар доданд.

"Мо се маротиба бо намояндаи ҳукумат мулоқот кардем. Ба мо гуфтанд, ки бидуни ризоияти сокинон сохтмон сурат намегирад. Мо ба додситониву мақомоти сохтмонӣ муроҷиат кардем, вале то ҳол посух нагирифтаем", - гуфт Мухтор Тугелов, яке аз сокинон.

"Мо зидди сохтмони манзилҳои зист ҳастем. Бигзор инҷо гулгашт ва Қасри хонандагон бунёд кунанд. Талаби мо ҳамин аст. Мо бо зӯр сохтмонро манъ хоҳем кард", - гуфт сокини дигар Олжас Билолов.

XS
SM
MD
LG