Отанына оралған өзбекстандықтар кемінде он күнге карантинге жатқызылады.
Баспасөз қызметтің мәліметіне қарағанда, Мәскеу мен Санкт-Петербургтан Хорезмге төрт чартерлік рейс ұшырылып, жалпы 840 азамат жеткізілген.
Бұдан бөлек 8 қыркүйекте Ростов-на-Дону қаласынан Ташкентке 940 өзбекстандық азамат пойызбен жөнелтілген.
Өзбекстанның аталған қаладағы бас консулы Рустам Курганбаев жақында 3 мың өзбек азаматы еліне жөнелтілетінін хабарлады. Оның айтуынша, бүгінгі күнге дейін Өзбекстанға алты ұшақ ұшып, екі пойыз жүрген.
7 қыркүйекте Ресейдің Самара облысы Кинель қаласының жанында 3-4 мың өзбекстандық жиналып, Қазақстан шекарасының ашылуын күтіп жатқаны хабарланған.
Тамызда Өзбекстанның көлік министрлігі Орынбор мен Самара облыстарындағы орыс-қазақ шекарасына жақын жерге топталған өзбекстандықтарды мекеніне қайтару ісі басталғанын білдірген.