МСКнинг таъкидлашича, бу қарор 9 сентябрь куни Бишкек Маъмурий суди томонидан МСКнинг номзодлар рўйхатини қайд қилишни рад қилганини ноқонуний дея эълон қилиб, бу қарорни бекор қилганидан сўнг қабул қилинди.
3 сентябр куни Марказий сайлов комиссияси «Бутун Кыргызстан» партясини рўйхатга олишни рад қилган эди. Бунга сиёсий партия съезд давомида қўйилган хатоликлар сабаб бўлди. МСК қарори қабул қилинишидан аввал номзодлар рўйхатидаги ўзгаришлар борасида Жўқорғу Кенеш собиқ депутатиТурсунбай Бакир уулу гапирган эди. Унинг сўзларига қараганда, 19 август куни сиёсий партия съездида дастлабки рўйхат тасдиқланган бўлиб, бу рўйхатда у номзод сифатида кўрсатилган экан. Аммо кейинроқ унинг исми шарифи рўйхатдан чиқариб ташлангани маълум бўлди.
Бишкек Маъмурий суди 9 сентябр куни «Бутун Кыргызстан» партиясининг МСКка қарши аризасини кўриб чиқди. Мажлис якунида партия даъвоси қаноатлантирилди. Судья МСКнинг партияни сайловолди курашдан четлаштирилиши борасидаги қарори ноқонуний дея эълон қилди.
Навбатдаги парламент сайловлари 4 октябр куни бўлиб ўтади. 16 партия рўйхатга олингган бўлиб, улар тарғибот тадбирларини олиб боришмоқда.