Ёнғин ёқилғи мойлаш материаллари ва автомобиллар шиналари омборида юз берди. Алангани ўчиришга ёнғинга қарши кураш бўлинмалари жалб қилинди, кейинчалик уларга ҳарбий вертолётлар ёрдамга келди.
Ливан президенти Мишель Ауннинг таъкидлашича, Байрут портидаги портлашга ташқи кучлар ҳам алоқадор бўлиши мумкин. "Бугунги ёнғин атайлаб уюштирилган саботаж акти ёки техник хатолик, жаҳолат ёки бепарволик бўлиши ҳам мумкин", - деди Ливан раҳбари.
Эслатиб ўтамиз, бир ой муқаддам Байрут портидаги омборда юз берган ёнғин Ливан пойтахтининг барча ҳудудларини қамраб олган портлашга сабаб бўлган эди. Портлаш оқибатида ўнлаб уйлар ва автомобилларга зиён етди ва йўқ қилинди. 154 киши ҳалок бўлди, беш мингдан ортиқ аҳоли зарар кўрди. Фожиага омборда сақланаётган аммиак селитраси сабаб бўлди. Юз берган ҳодисадан сўнг юзлаб одамлар шаҳар кўчаларига чиқди ва расмийларни совуққонликда айблашди.