Бу ҳақда Алижоновага Наманганнинг Норин тумани Ички ишлар бўлимидан маълум қилишган.
Гулсанам Алижонованинг сўзларига кўра, 25 июнь куни калта шорти ва футболкада турган пайтда икки эркак онасини ҳақоратлагани пайтда ўз шаънини ҳимоя қилишга мажбур бўлган.
Ўшанда унга нисбатан атайлаб икки эркакни дўппослаган, дея беш йилгача қамоқ кўзда тутилган безорилик айби билан жиноят иши очилганди.
Жиноят иши нима асосда бекор қилингани маълум эмас. Жабрланувчилар даъвосидан воз кечганми ёки ИИБ ишни тўхтатганми, бу номаълум.
23 ёшли Гулсанам ҳозирда Наманган давлат университетининг жисмоний маданият йўналиши сиртқи бўлимида, 3-босқичда таҳсил олади.
Оилада 6 нафар фарзанднинг кенжаси. Бокс, каратэ билан шуғулланган. Икки йилдан бери таэквондо WTF бўйича машғулотларга қатнаб келади.
Шу йўналишда Ўзбекистон биринчилиги совриндори, Наманган опен турнири ғолиби. 2020 йил баҳор ойида Туркияда бўлиб ўтган халқаро мусобақа иштирокчиси.