Унинг номзодини парламент депутатларининг катта қисми қўллаб-қувватлади, дея хабар беради «Киодо Цусин» агентлиги. 71-ёшли Ёсихидэ Суга саломатлиги туфайли истеъфога чиққан Синдзо Абэ ўрнини эгаллади.
Сал аввалроқ, Абэ бошчилигидаги Япония хукумати истеъфога чиққан эди.
Яқин вақт ичида Суга вазирлар маҳкамасининг янги таркибини эълон қилиши керак. Маълум қилинишича, Синдзо Абэ хукуматидаги кўпчилик вазирлар ўз лавозимларини сақлаб қоладилар.
Депутатлар олдида чиқиш қилган, Суга ўзининг устивор вазифаси коронавирус инфекцияси пандемясига қарши кураш эканлигини таъкидлади. У шуниндек, Абэнинг кўплаб дастурларини амалга оширишга ваъда берди, тузилмавий ислоҳатларни олдинга силжитиш ва бюрократияни чеклашини айтди, дея ёзади Reuters.
Суга Япония тарихида энг кўп мамлакат хукумати бош котиби вазифасини эгаллаб келди, у бу лавозимга 2012 йил декабрда тайинланган эди. У Япония парламентига сайланган ва бир йил ички ишлар вазири лавозимида ишлади ҳамда собиқ бош вазирнинг энг яқин ҳаммаслакларидан бири сифатида кўриларди. 2019 йилда Суга янги император Нарухито даврининг бошланишини эълон қилди.