Шунингдек, Европарламент депутатлари Россияга мурожаат қилиб холис терговни таъминлаш ва айбдорларни жавобгарликка тортишга чақирди.
Навальнийни ўлдиришга уриниш, резолюцияда таъкидланишича, Россияда "уни ва танқид қилувчи бошқа овозларни жим бўлишга уринишнинг мунтазамлик касб этган қисмига айланди", шу билан бирга Алексей Навальний ишини парламент аъзолари “давлат ичидаги қатағон ва уруш тажаавузи” га йўналтирилган Кремл сиёсатининг занжирларидан бири сифатида кўришган.
Европарламент ЕИга Россияга нисбатан янги стратегия ишлаб чиқишни таклиф қилди ва яқин орада Россияга нисбатан чеклов чоралари рўйхатини тузишга ҳамда Навальний томонидан ташкил этилган Жамғарма терговининг обьекти бўлмиш шахсларга нисбатан жорий қилинган санкция механизмларини кенгайтиришга чақирди.
Резолюциянинг алоҳида пункти Россиядаги фуқаролик жамиятлари ва мустақил ОАВни қўллаб-қувватлашга бағишланди. Ҳужжатда Россиянинг ёш фуқароларининг ЕИда ўқишлари учун шароит яратиш қайд қилинган, бунинг учун Европа Иттифоқи мамлакатларидан бирида “Хориждаги Россия университетини ташкил қилиш” кўзда тутилади.
Европарламент резолюция тавсия характерига эга ва унинг бажарилиши юридик кучга эга эмас, аммо ЕИ институтлари учун сиёсий йўналиш бўлиб хизмат қилади.
Навальний 20 август куни Томскдан Москвага парвоз қилаётган самолётда ўзини ёмон ҳис қилди. Учувчи самолётни Омскка қўндиришга қарор қилди, бу ерда сиёсатчи №1 тез тиббий ёрдам шифохонасининг реанимация бўлимига ётқизилди. Кейинроқ Омскдан кома ҳолатида Берлинга олиб келинди, бу ерда бундесвер лабораторияси экспертлари Навальнийнинг организмида «Новичок» гуруҳига оид заҳарли модда борлигини аниқлади. Берлиндаги Charité клиникасига ётқизилган сиёсатчи бир неча кундан кейин ўзига келди, ҳозир у ҳаракат қилмоқда ва маълум муддат шифохона койкасини тарк этиши мумкин.
Иккинчи сентябр куни ГФР ҳукуматининг расмий вакили Штеффен Зайберт баёнот бериб, Навальний организмида “Новичок” гуруҳига кирувчи заҳарли кимёвий модда излари топилгани борасида маълум қилди, Германия канцлери Ангела Меркель юз берган ҳодиса юзасидан Россиядан тушунтириш беришни талаб қилди. Россия расмийлари мухолифатдаги сиёсатчининг заҳарланишига алоқаси борлигини мутлоқо инкор қилмоқда. Душанба куни Франция ва Швециядаги мустақил иккита лаборатория Навальний “Новичок” гуруҳига оид заҳар билан заҳарлангани борасидаги Бундесвер лабораторияси мутахассиларининг хулосаларини тасдиқлади.
ЕИ дипломатик муассасаси раҳбари Жозеп Боррель Европарламентда қилган чиқишида инсон ҳуқуқлари бузилиши учун жорий қилинадиган санкция Навальний номи билан аталишини таклиф қилди.