Ссылки доступа

Россия «устувор тартибга» асосан Қирғизистонга COVID-19га қарши ўз вакцинасини етказиб беришни кўриб чиқмоқда


Бу ҳақда Россия ҳукумати раисининг ўринбосари Алексей Оверчук Қирғизистон президенти Сооронбай Жеэнбеков билан бўлиб ўтган учрашувда маълум қилди. Ғарб олимлари Россия вакцинасига ишончсизлик билан қарашмоқда.

Россияда Қирғизистонга COVID-19га қарши вакцинани етказиб берилишига устуворлик тартибида кўрилади. Бу ҳақда Қирғизистон президенти Сооронбай Жеэнбеков томонидан қабул қилинган Россия ҳукумати раисининг ўринбосари Алексей Оверчук маълум қилди.

ҚР президенти матбуот хизмати Жеэнбеков Россия томонидан вакцинани сўрагани ёки сўрамагани юзасидан тушунтириш бермади. 12 сентябрь куни давлат раҳбари «Биринчи радио»га интервью берар экан, Қирғизистонга Россия вакцинасини олиб келиш «жуда ҳам муҳим»лигини айтган эди, чунки коронавирус инфекцияси ҳамон инсониятга таҳдид солишда давом этмоқда. Унинг таъкидлашича, икки мамлакатнинг тегишли идоралари вакцинани Қирғизистонга етказиб бериш масаласида музокаралар олиб бормоқда.

11 август куни Россия президенти Владимир Путин жаҳонда биринчилардан бўлиб Россияда COVID-19га қарши вакцина рўйхатдан ўтгани ҳақида баёнот берган эди. Препарат «Спутник V» деган ном олди. Фармацевтика компаниялари клиник синовларнинг учинчи босқичи тугамагунга қадар вакцинани рўйхатга олиш тўхтатиб турилишига чақирган эди. «Справочник врача» сервиси томонидан сўралган шифокорларнинг ярмидан кўпроғи янги вакцинага ишонч кўзи билан қарамаган. Ғарб олимлари ҳам Россия вакцинасига шубҳа қилмоқда.

Ҳозир вакцина рўйхатга олиниш синовидан ўтмоқда, синовда 40 минг кишининг иштироки кутилмоқда. Уларнинг чорак қисми ҳақиқий препарат ўрнига платсеб олади. Рўйхатдан кейинги синовлар икки ойдан олти ойгача давом этади.

XS
SM
MD
LG