Ссылки доступа

Қирғизистонда доллар курси яна кўтарилди


Қирғизистонда АҚШ долларининг курси 80 сом кўрсаткичига етди. Valuta.kg порталининг маълумотига кўра, эрталабки 10.40 да Бишкекдаги айирбошлаш бюроларида АҚШ доллари ўртача 79.76 сомдан сотилиб, 79,41 сомдан харид қилинди.

Миллий банк томонидан ўрнатилган АҚШ долларининг расмий курси 25 сентябр куни 79,3 сомни ташкил қилди.

Сентябр бошидан бери доллар айирбошлаш пунктларида 1,5 сомга ошди. Сўнгги кунларда валюта курсининг сезиларли ошиши кузатилмоқда. 23 сентябр куни Миллий банк интервенция билан чиқди, валюта бозорида 11,2 млн доллар сотилди. Сўнгги бор Миллий банк интервенцияни 9 сентябрда амалга оширган ва 6,6 млн доллар сотган эди.

Март ва апрел ойларида коронавирус эпидемияси туфайли карантин жорий қилиниши фонида Қирғизистонда АҚШ доллари бирданига кўтарилиши кузатилди. Энг чўққида унинг курси 85 сомга чиқди, шу сабабли Миллий банк интервенция ўтказди. Барқарорлашувдан сўнг доллар 73-74 сом кўрсаткичида ушлаб турилди, бироқ августда 77 сомдан пастга тушмади.

Қирғизистон Миллий банки доллар курси кескин тебранмаслиги учун интервенция ўтказиб туради. Доллар бирданига кўтарилса, валютага бўлган таклифни таъминлаш мақсадида Миллий банк долларни бозорга чиқаради. Доллар бирданига тушиб кетгудек бўлса, талабни қондириш мақсадида тегишли равишда уни сотиб олади.

XS
SM
MD
LG