Ссылки доступа

Өзбекстанның бас санинспекторы елде жаңа карантин енгізілуі мүмкін екенін ескертті


Главный государственный санитарный инспектор Узбекистана Нурмат Атабеков.

Өзбекстанның бас мемлекеттік санитария инспекторы Нурмат Атабековтің мәлімдеуінше, елде эпидемиологиялық жағдай нашарлай берсе, билік жаңа карантин енгізуі мүмкін.

"Екі ай бұрынғыдай қатаң карантин болмайтын шығар. Бірақ елде күнде 600-ден астам адамнан коронавирус анықталып жатыр. Халық қажетті шараларды қолданбай жүр деген сөз. Осылай кете беретін болса, үкімет шектеу шараларын күшейтуі мүмкін", – деді Нурмат Атабеков.

Бас санинспектор азаматтарға медициналық маска тағып, қоғамдық орындарда алшақтық сақтау қажеттігін ескертті.

Ресми статистика бойынша, Өзбекстанда пандемия басталғалы бері 53 966 адамның COVID-19 жұқтырғаны анықталды, 50 441 адам жазылып шықты, 447 адам қайтыс болды.

XS
SM
MD
LG