"Фарапта 9-10-11 сынып оқушылары күнде мақта теруге шығады. Олар жарты күн жұмыс істейді. Сабақ 13:00-де басталса, олар таңғы 7:30-дан12:00-ге дейін жұмыс істейді. Шенеуніктер оларға мақтаның бір келісіне 20 теңгеден төлеуге уәде берген" деп хабарлады тілші.
Бюджетке қарасты ұйымдар қызметкерлерінің айтуынша, аймақта жұмыс күші жетіспей жатыр, сол себепті оқушыларды да мақта теруге шығарды. Жергілікті мемлекеттік кәсіпорындардың қызметкерлері басқа аудандарға мақта теруге кеткен.
Тілшінің хабарлауынша, шекара қызметіндегі сарбаздар да мақта теріп жүр. "Олар елу сарбаздан он топқа бөлінген. Сарбаздар ауыл маңында тігілген шатырларда тұрып жатыр".
Түркіменстанда мақта жинау науқаны 9 қыркүйекте басталды. Дәстүр бойынша, науқан ел президенті Гурбангұлы Бердымұхаммедов батасымен беруімен басталады.