31 ёшли Амина эри билан тўрт йил яшади, аммо никоҳдан бир йил ўтиб ажралишга ҳаракат қилди. Аёлнинг айтишича, ҳар гал расмийлар қозоқ анъаналарини эслатган ҳолда унга босим ўтказган. Ҳозир Амина ярим йилдан бери онаси билан истиқомат қилади, аммо, эндиликда собиқ эрининг можароларга айланадиган ташрифидан қўрқиб қолган.
Ҳозир Қозоғистон парламенти маиший зўравонлик тўғрисидаги қонунга ўзгартиш киритишни муҳокама қилмоқда, бу ўзгартишлар Амина сингари аёлларга ёрдам беришни кўзлайди. Депутатлар айбдорларни жамоат ишларига жалб қилишни ва ҳатто 20 кунгача ҳибсга олишни назарда тутишмоқда. Агар маиший зўравонлик ҳақида ижтимоий тармоқларда хабар тарқатилгудек бўлса, унга нисбатан полиция ўз вақтида чора кўриши керак бўлади.
Бундан ташқари, полицияга буйруқ бериш ваколатлари бўйича ҳам таклиф илгари сурилмоқда.
Янги ўзгартишлар полиция ходимларига оилавий зўравонликлар айбдорларига нисбатан қисқа муддатларда чора кўриш имкониятини беради. Парламент аъзоларининг фикрича, бу кўп ҳолларда айбдорлар жазосиз қоладиган вазиятни ўзгартиришга имкон беради. Спикер Нурлан Нигматулин буни қуйидагича тушунтирди: "Қўли чиққанларни қўлини калтаклаш керак".
Қонунга ўзгартиш киритиш жамоатчилик вакиллари томонидан илгари сурилди. Улар орасида "Не молчи" («Жим турма») жамғармасининг раҳбари Дина Исмаилова ҳам бор. Унинг фикрича, ўзгартишларнингяхши томони шундаки, маиший зўравонликлар камайишига ҳисса қўшади. Аммо шу билан бирга у ҳар гал янги чораларни киритиб туриш кераклигини қайд қилиб ўтди.
"Энди томонларни яраштирш масаласига жуда қақтиқ қаралади, – дейди у. – Эндиликда яраштиришга фақат бир марта ҳаракат бўлади. Иккинчи гал албатта жазога тортилади. Бу каби чоралар вазиятга жиддий таъсир кўрсатади".