Ссылки доступа

Трампка коронавирус жугуп, карантинге кетти


АКШнын президенти Дональд Трамп коронавирус жуктуруп алды. Күн мурун анын жардамчысы Хоуп Хиксте COVID-19 аныкталып, Трамп менен жубайы Мелания тест тапшырышкан.

Хикс 29-сентябрда президент менен Кливлендде өткөн дебаттарда, 30-сентябрда Миннесотадагы митингде чогуу болгон.

Ак үйдүн расмий өкүлү Жад Дирдин билдирүүсүндө: «Президент өзүнүн жана айланасындагылардын ден соолугуна, коопсуздугуна олутуу мамиле кылат», — деп жазылган.

Май айында АКШнын вице-президенти Майк Пенстин басма сөз катчысы Кэти Миллердин, июлдун аягында президенттин улуттук коопсуздук маселелери боюнча жардамчысы Роберт О'Брайендин коронавирус жуктуруп алганы аныкталган. Эки аткаминер тең айыгып, жумушка кайтышкан.

Трамп АКШда шайлоо өнөктүгү кызып жаткан маалда ооруп калды. Өлкөдө президенттик шайлоо 3-ноябрда өтөт.

Видео

Видео

Кармалган кримтөбөлдүн саясаттагы карааны
пожалуйста, подождите

No media source currently available

0:00 0:04:05 0:00
XS
SM
MD
LG