Дастлаб тўртта партия парламентга киради - Биримдик (24,52%), Мекеним Қирғизистон (23,91%), Қирғизистон (8,74%) ва Бутун Қирғизистон (7,08%). Соат 00:00 гача 97,78% сайлов участкаларидан маълумотлар келиб тушди.
Қолган 12 партия ҳали керакли овозларни ололмаган.
Овоз бериш куни мухбирлар сайловлар бир қатор қонунбузарликлар билан ўтказилганлиги ҳақида хабар беришди: овоз берувчи сайловчиларни оммавий сайлов участкасига олиб келиш, аллақачон белгилаб қўйилган бюллетенларни сайловчига бериш. Кўплаб сайловчилар ўз бюллетенларини суратга ҳам олишган. Улар орасида актёр Бектемир Мамаюсупов ҳам бор, у суратни «ўзи учун» олганлигини айтди. Актёрга нисбатан сайлов қонунчилиги бузилганлиги тўғрисида далолатнома тузилган.
Мамлакатда сайлов кампаниясининг ўзи жанжал билан бошланди. Таниқли сиёсий партиялардан бири «Қирғизистон» ҳужжатларни вақтидан кечиктириб тақдим қилди. Кейинчалик суд орқали у рўйхатдан ўтишга муваффақ бўлди. Тарғибот бошқа, кам бўлмаган жарангдор ҳолатлар билан бирга олиб борилди.
«Ата Мекен» партияси сайловларни Қирғизистон тарихидаги «энг расво» сайловлар деб, эълон қилди ва овоз бериш натижаларини бекор қилишни талаб қилмоқчи. Бу ҳақда журналистларга партия аъзолари Рйскелди Момбеков, Жанарбек Ақаев ва Тилек Тўқтогазиев маълум қилишди.
“Бу сайловларни - сайлов дейишга тил бормайди. Ижтимоий тармоқларда ва «Азаттйк» да қанча қонунбузарликлар эълон қилинмаган бўлса, бирон бир факт бўйича чора кўрилмади", деди Момбеков.
Акаев сайловларни «адолатсиз» деб атади ва партия катта мухолифат блокини яратишини айтди.
Социал-демократлар партияси аъзолари «Ала-Тоо» майдонига йиғилиб, чексиз митинг бошланганини эълон қилишди. Улар сайлов натижаларидан рози эмаслар - дастлабки маълумотларга кўра, социал-демократлар овозларнинг 2 фоизидан сал кўпроқ ғолиб бўлишган. Парламентга кириш учун камида 7% овоз тўплаш керак.
«СД» номзоди Темирлан Султонбеков «бугундан бошлаб мамлакат расмийларини уюшган жиноий гуруҳ деб аташ мумкин» деди. У сайлов натижаларини тан олмасликка чақирди.
1991 йилда Қирғизистон мустақиллиги эълон қилинганидан бери мамлакатда олтита парламент таркиби ишлади. Аммо улар нафақат қонуний муддатлар тугаганидан кейин ҳам ўзгарди: бир неча маротаба мамлакатда юз берган инқилоблар туфайли депутатлар ўзларининг иш жойларини тарк этишга мажбур бўлишди.
Сизга Қирғизистон парламенти қандай ривожланганлиги ва Жўқори Кенгешнинг ўтган чақириқлари қандай ўтганини эслатиб ўтамиз.