- Банк менинг келажакдаги уч хонали квартирамни арзимаган чақага сотиб юборди. Қарзимиз яна қайта молиялаштирилди. Икки йил ўтди, мактаб ўқувчилари билан уйсиз, ҳеч нарсасиз, сарсон бўлиб юрамиз. Олий суд савдо шартномасини ноқонуний деб топди. Биз судда бўлганимизда, иккинчи [эгаси] квартирани учинчисига сотган, у тўртинчи шахсга қайта сотган. Қайта молиялаштириш тўғрисида қарор 2015 йилда қабул қилинган. Уйим учун неча йилдан бери курашаман? Бунинг учун Оқордага келдик. Токаев бизни қабул қилсин! - дейди пойтахтда истиқомат қилувчи Жумакул Алпйсбайқизи.
Оқордадаги ҳудудни қўриқлаётган полиция ходими амалдаги карантин чораларини эсга олди ва ташриф буюрувчиларга кўп сонли одамларнинг йиғилиши тақиқланганлигини маълум қилди. Бироқ, намойишчилар «улар аллақачон уйсизлар ва борадиган жойлари йўқлигини» айтиб, тарқалишмади. Намойишчилар расмийларни ипотека кредитлари эгаларининг муаммоларига эътибор беришга чақиришди.
Фаол Канагат Такеэванинг сўзларига кўра, бунгача ипотека эгалари бир неча бор йиғилишган, аммо уларнинг муаммолари ҳалигача ҳал қилинмаган. Улар президент ёки бош вазир Асқар Маминнинг олдиларига чиқишини талаб қилишди.
Намойишчилар олдига Оқорданинг қабул хонасидан ҳеч ким чиқмади.
Ипотека эгаларининг маълумотларига кўра, ҳукумат ипотека кредитларини қайта молиялаштириш учун 44,6 млрд. тенге ажратган. Шунга қарамай, қайта молиялаш дастури амалга оширилгандан буён ушбу фуқароларнинг муаммоси бир неча йилдан бери ҳал қилинмай келмоқда.
Қозоғистонда ипотека кредитларини қайта молиялаштириш дастури 2015 йил апрель ойида бошланган. Дастурнинг биринчи қисми 2004 йилдан 2009 йилгача ипотека кредити олган, ўз уйига эга бўлмаган фуқароларни қўллаб-қувватлашга қаратилган эди. Дастурни амалга ошириш учун 130 млрд. тенге ажратилган. Расмий маълумотларга кўра, ушбу дастур доирасида 28,3 минг кишига ёрдам кўрсатилди.
Дастурнинг иккинчи қисми 2016 йил 1 январгача чет эл валютасида берилган ипотека кредитларини қайта молиялаштиришга мўлжалланган эди. 1 сентябрь ҳолатига кўра, чет эл валютасидаги ипотека кредитларини қайта молиялаштириш бўйича 9,2 мингта мурожаат келиб тушди. 7,9 минг мурожаат қондирилди. Хорижий валютадаги ипотека кредитларини қайта молиялаштириш муддати жорий йилнинг 31 декабрида тугайди.
Илгари, «қайта молиялаштириш дастурига» киритилган муаммоли ипотека қарздорлари, қарзларининг ярмидан кўпини қайтарган бўлсаларда, қайта молиялаш пайтида қарзлари икки баравар кўпайганидан шикоят қилдилар.