«Жаҳон ҳамжамиятининг жанговар ҳаракатларни зудлик билан тўхтатишга чақирган кўп сонли чақириқларидан сўнг, чегарадаги ўтган тун нисбатан тинч ўтди. Кейинчалик кескинлашув ҳолатида Озарбайжоннинг ҳарбий-сиёсий раҳбарияти тўлиқ жавобгарликни ўз зиммасига олади», - деб ёзган Арманистон мудофаа вазирлиги матбуот котиби Шушан Степанян.
Озарбайжон расмийлари, ўз навбатида, Арманистон Қуролли Кучлари томонидан ўққа тутилиши натижасида 27 сентябрдан бошлаб вафот этганларнинг умумий сони 27 кишига кўпайганлигини таъкидладилар. «6 октябрь ҳолатига кўра 25 тинч фуқаро ҳалок бўлди. 141 киши яраланди», деди Озарбайжон Бош прокуратураси. Бокуда Арманистон кучлари Озарбайжоннинг аҳоли зич жойлашган жойларига оғир артиллериядан ўқ узгани таъкидланган. Ҳозирда 370 дан ортиқ турар-жой бинолари ва 60 дан ортиқ фуқаролик объектлари яроқсиз бўлиб қолди, дейилади бўлимда.
5 октябрь куни Россия, Франция ва АҚШ ташқи ишлар вазирлари, Тоғли Қорабоғ можаросини ҳал қилиш бўйича ЕХҲТнинг Минск гуруҳига ҳамраис бўлган мамлакатлар қарама-қаршилик зонасида зудлик билан ўт очишни тўхтатиш зарурлигини яна бир бор таъкидладилар. Ташқи ишлар вазирлари можаронинг авж олишини минтақадаги барқарорликка «қабул қилинмайдиган таҳдид» деб аташди.
Аввалроқ, гуруҳнинг учта ҳамраис давлатлари раҳбарлари худди шундай мурожаат билан чиқишган эди.
Душанба куни Тоғли Қорабоғ маъмурияти ўзини ўзи эълон қилган республиканинг пойтахти Степанакертни тўртинчи кун кетма-кет оғир артиллерия билан бомбардимон қилганини, олдинги чизиқ бўйлаб бир нечта секторларда бир вақтда жанглар бўлганини айтди.
Озарбайжон Мудофаа вазирлиги Арманистон кучлари кетма-кет иккинчи кун Озарбайжоннинг иккинчи йирик шаҳри Ганжани ўққа тутди, деб даъво қилди. Бўлимнинг таъкидлашича, ўқ отиш Арманистоннинг Тавуш вилоятидан амалга оширилган.
Тоғли Қорабоғдаги вазият 27 сентябрь куни эрталаб жиддий кескинлашди. Минтақада фаол жанговар ҳаракатлар бошланди. Арманистон ва Озарбайжонда ҳарбий ҳолат жорий қилинган. Иккала томон ҳам қурбонлар ва жароҳатлар ҳақида хабар беришди ва зиддиятнинг кучайиб кетишида бир-бирларини айблашди.
Тоғли Қорабоғ юзасидан Озарбайжон ва Арманистон ўртасидаги зиддият Совет Иттифоқининг сўнгги йилларидан бери давом этиб келмоқда. Асосан арманлар яшайдиган минтақа 1991 йилда Озарбайжондан мустақиллигини эълон қилди, аммо дунёнинг ҳеч бир мамлакати буни тан олмади. 1994 йилда енгил сулҳ билан якунланган уруш 30 мингга яқин одамни ўлимига олиб келди, яна юз минглаб одамлар қочқинга айланишди.