Ссылки доступа

Бухорода 32 йил олдин содир этилган қотиллик фош этилди


Бухоро шаҳрида 1988 йилнинг 5 октябрь куни бир аёлни ўлдирган шахс ушланди. Бухоро вилояти ИИБ ахборот хизматининг билдиришича, 32 йил олдин содир этилган жиноятнинг фош этилишига замонавий технологиялар кўмагида эришилган.

ИИБнинг маълум қилишича, мазкур жиноятни 1962 йилда туғилган фуқаро М.Б., содир этган. У қотиллик содир этилган пайтда 26 ёшда бўлган.

М.Б.,дастлабки тергов пайтида 1933 йилда туғилган аёл уни ўз уйига таклиф қилганини, шундан сўнг у аёлга жинсий алоқа қилишни таклиф этганини билдирган. Аёл бу таклифни рад этганидан сўнг М.Б., жаҳл устида аёлнинг қорин ва кўкрак қисмларига 3-4 марта пичоқ урган.

Мазкур жиноятдан кейин М.Б., уч марта қасддан содир этилган жиноятлар учун судланган.

Маълум қилинишича, М.Б. қотиллик содир этиш билан бирга, аёлнинг уйидаги бир нечта тилла тақинчоқни ўғирлаб кетган ва жиноят жойида унинг бармоқ излари қолган.

“Ромитан туманида яшовчи фуқаронинг 32 йил аввал содир этган жиноятини фош этишда унинг ҳодиса жойида қолдирилган бармоқ излари ёрдам берди. Бухоро вилоят ИИБ Эксперт-кириминалистика бўлими томонидан 2020 йилнинг сентябрь ойида автоматлаштирилган дактилоскопик идентификацион тизим орқали бармоқ излари текширилган. Ўтказилган криминалистик ўрганишлар бармоқ излари фуқаро М.Б.га тегишли эканлигини кўрсатган”,-дейилади хабарда.

ИИБ хабарида М.Б., дастлабки тергов чоғида ўз айбига тўлиқ иқрор бўлгани айтилган.

XS
SM
MD
LG