Ссылки доступа

Қырғызстан ОСК парламент депутаттарын қайта сайлауды 6 қарашаға белгілейді


Қырғызстан Орталық сайлау комиссиясы Жогорку Кенеш депутаттарын қайта сайлауды 6 қарашаға белгілейді. Бұл туралы комиссияның баспасөз қызметі хабарлады.

Орталық сайлау комиссиясы сайлау өткізбей тұрып парламентте саяси күштер өкілдерінің көп болуын қамтамасыз ететін заңдарды реттеу керек керек деп есептейді. Сонда ғана сайлаудан кейінгі дағдарыстан құтылуға болады. Бұған қоса комиссия парламентке өту межесін, сайлауға қатысу кепілқұнын азайтуды ұсынды.

7 қазанда Орталық сайлау комиссиясы Жогорку Кенешке бірнеше ұсыныс жасау туралы шешім қабылдаған.

Бұған қоса 12 саяси партиядан түскен арыздар Бас прокуратура мен Ішкі істер министрлігіне жолданады.

ОСК сайлауда заң бұзушылық тіркелгенін дәлелдейтін фото және видеоматериалдары Бас прокуратура мен Ішкі істер министрлігіне өткізуді ұсынды.

XS
SM
MD
LG