“Тангисой тоғидан олтин рудасини қазиётган 1995 йилда туғилган А.Х., ушланди. Булоқбоши қишлоғида яшовчи ушбу шахсдан 1 дона электродвигатель, 1 дона перфоратор ҳамда 10 килограмм руда олинган",-дейилади расмий хабарда.
Шунингдек, яна бир булоқбошилик, 1977 йилда туғилган А.К., ҳам ички ишлар органлари ходимлари томонидан олтин қазиётганида қўлга олинган. А.К., ҳам Тангисойдан 10 килограмм руда қазиб олганлиги маълум бўлди.
Хабарда билдирилишича, ҳолатлар юзасидан Ғаллаорол тумани ички ишлар бўлими ходимлари томонидан суриштирув ҳаракатлари олиб борилмоқда.
Маҳаллий нашрлар август ойида Навоийда эски олтин конидан таркибида олтин мавжуд бўлган 230 миллион сўмлик тошларни ўғирлаётган шахслар ушлангани ҳақида хабарлар берган эди.