Тихановскаянинг телеграм-каналида айтилганидек, 9 август куни бўлиб ўтган сайловлардан сўнг расман президент деб эълон қилинган Лукашенкони, рақиблари тан олмаса, истеъфога чиқиши керак. Яна иккита талаб — намойишчиларга қарши зўравонликни тўхтатиш ва барча сиёсий маҳбусларни озод қилиш.
Агар ушбу талаблар бажарилмаса, унда Тихановская ёзганидек, 26 октябрь (душанба) куни «барча корхоналарнинг миллий иш ташлаши бошланади, барча йўллар тўсилади ва давлат дўконларида савдо тўхтайди».
«Сизда учта шартни бажариш учун 13 кун бор. Бизда ҳам бунга тайёргарлик кўриш учун 13 кун бор», деб ёзади Тихановская. У расмийларнинг «диалог» ҳақидаги даъволарини рад этиб, уларнинг ҳаракатларини «давлат терроризми» деб таърифлади. Шунингдек, у ҳуқуқни муҳофаза қилиш органлари ходимларини «халқ томонига ўтинг» дея чақириғини такрорлади.
Лукашенкога қарши норозилик намойишлари у президентлик сайловларида ғолиб чиқганидан сўнг 9 август куни бўлиб ўтди. Айни вақтда чет элга чиқиб кетган унинг асосий рақиби Тихановскаянинг сўзларига кўра, у босим остида чиқиб кетишга мажбур бўлган. Европа Иттифоқи мамлакатлари Лукашенконинг ғалабаси қонунийлигини тан олмади ва Тихановская оппозиция етакчиси сифатида бир қатор Европа раҳбарлари билан учрашди ва намойишчиларни қўллаб-қувватлашга чақирди.
Сўнгги кунларда расмийлар яна Минск ва бошқа шаҳарлардаги намойишларга қарши зўравонлик билан курашишни бошладилар. Якшанба куни Белоруссияда 400 дан ортиқ одам ҳибсга олинган; сув пуркагичлар ва бошқа махсус ускуналар ишлатилган. Душанба куни Белоруссия пойтахтида «нафақахўрлар марши» бўлиб ўтди. Минскнинг бир қатор туманларидаги намойишчилар ҳибсга олишларнинг олдини олишга, «бирдамлик занжирларини» уюштиришга ва қўлбола воситалардан тўсиқлар ўрнатишга уринмоқдалар.
Лукашенконинг таъкидлашича, норозилик намойишлари ортида Ғарб турибди. У конституциявий ислоҳот тайёрлаётганини айтмоқда. Шанба куни Минскдаги тергов изоляторида у сиёсий маҳбуслар гуруҳи билан учрашди, уларнинг орасида таниқли мухолифлари ва мухолифат Мувофиқлаштирувчи Кенгаш аъзолари ҳам бор эди. Хусусан, учрашувда президентликка собиқ номзод Виктор Бабарико ва Светлана Тихановскаянинг эри Сергей Тихановский иштирок этишди. Суҳбатнинг тафсилотлари номаълум, аммо, эҳтимол, бу конституциявий ислоҳот ҳақида бўлган бўлиши мумкин. Шундан сўнг йиғилишнинг 12 иштирокчисидан иккитаси озод қилинди.