У, биринчи дори каби, клиник синовларнинг учинчи босқичи тугашидан олдин рўйхатдан ўтган. Препаратнинг тайёрлиги тўғрисида Россия президенти Владимир Путин ҳукумат аъзолари билан учрашувда маълум қилди.
Вакцина «ЭпиВакКоронаа» деб ном олган бўлиб, уни ишлаб чиқарувчи институт биологик қурол ишлаб чиқариш учун яратилган, аммо ҳозирда Роспотребнадзор юрисдикциясида. Унинг бошлиғи, Россиянинг бош санитария шифокори Анна Попованинг таъкидлашича, у аллақачон дорини ичиб кўрган, дея келтиради унинг сўзларини Российская газета нашри.
Июнь ойида “The Bell” нашрининг таъкидлашича, Вектор коронавирусга қарши вакцина ишлаб чиқаришни даъво қилаётган Россия бозоридаги икки асосий ўйинчидир. Иккинчиси эса Н.Ф Гамалеи номидаги Эпидемиология ва Микробиология Маркази дейилади. Ушбу институт август ойида Спутник В вакцинасини рўйхатдан ўтказди. Препарат синовларнинг учинчи, катта босқичидан олдин рўйхатдан ўтказилди, бу қатор Ғарб экспертларининг кескин танқидига учради.
Мутахассисларнинг таъкидлашича, тестнинг учинчи босқичидан олдин препаратни рўйхатдан ўтказиш ва оммавий равишда ишлатиш одамларда хавфли тажриба сифатида қаралиши мумкин. Шунга қарамай, амалдорлар ва бюджет ходимлари аллақачон вакцина билан эмланмоқда. «Вектор» вакцинаси рўйхатдан ўтказилгандан сўнг синовларнинг учинчи босқичини ҳам амалга оширади.
«ЭпиВакКорона» синовларининг учинчи босқичида 40 минггача бемор иштирок этиши кутилмоқда, деб Интерфакс Бош вазир ўринбосари Татяна Голиковадан иқтибос келтиради. Cовид-19 вакцинасини кузатувчи веб-сайтига кўра, дунё бўйлаб жами 36 та коронавирус вакцинаси клиник синовлардан ўтмоқда. «Jonson & Jonson» ва «Eli Lilli» каби иккита ишлаб чиқарувчи синовларни тўхтатди. Маълум бўлишича, маълум бир ҳолатда вакцина беморларда ножўя таъсирлар кўрсатган. Иккинчисида сабаб «хавфсизлик нуқтаи назаридан» дея изоҳланади.