Унга кўра, мамлакатда, хусусан Бишкекда вазият кескинлигича қолмоқда.
“Кеча Жўқори Кенгеш ҳукумат таркибини тасдиқлади, мен Қирғизистон Республикаси Президентининг тегишли лавозимларга тайинлаш тўғрисидаги фармонларини имзоладим. Аммо бу кескинликни юмшата олмади. Афсуски, тажовузкорлик сусаймаяпти, менинг зудлик билан истеъфога чиқиш талабим давом этмоқда. Ҳозирги вазият икки томонлама зиддиятга яқин “, — деди Сооронбай Жээнбеков.
Унинг таъкидлашича, бир томондан — намойишчилар, бошқа томондан — ҳуқуқни муҳофаза қилиш идоралари. “Ҳарбий хизматчилар ва ҳуқуқни муҳофаза қилиш идоралари давлат қароргоҳини ҳимоя қилиш учун қурол ишлатишга мажбурдирлар. Бундай ҳолда, қон тўкилади, бу муқаррар. Иккала томонни ҳам провокацияларга берилмасликка чақираман. Мен учун Қирғизистонда тинчлик, мамлакат яхлитлиги, халқимизнинг бирлиги ва жамиятдаги осойишталик ҳамма нарсадан устундир. Мен учун ҳар бир ватандошимнинг ҳаётидан азизроқ нарса йўқ“, — дея сўзини якунлади у.
«Мен ҳокимиятни ушлаб турмайман. Қирғизистон тарихида ўз қонига қон тўкиб, ўз фуқароларига ўқ узган президент сифатида қолишни истамайман. Шунинг учун мен истеъфо беришга қарор қилдим», — дея қўшимча қилди Сооронбай Жээнбеков.
У Жапаров ва бошқа сиёсатчиларни ўз тарафдорларини мамлакат пойтахтидан олиб чиқиб, Бишкекликларга тинч ҳаётни қайтаришга чақирди.
5 октябрдан бери Бишкекда норозилик акциялари тўхтамади. Оқ уй тортиб олиниб, Садир Жапаров қамоқдан озод қилинганидан кейин унинг тарафдорлари уни бош вазир этиб тайинлашни талаб қила бошладилар. 14 октябрда парламент Садир Япаров бошчилигидаги ҳукумат тузилиши, дастури ва таркибини тасдиқлади ҳамда президент уни тасдиқлади. Шундан сўнг, Сооронбай Жээнбеков парламент сайловларидан сўнг истеъфога чиқишга тайёрлигини эълон қилди. Бироқ, Жапаровнинг тарафдорлари унинг дарҳол истеъфога чиқишини талаб қилишди. Бугун Бишкекнинг иккита пунктида бир вақтнинг ўзида Жеэнбековнинг истеъфосини талаб қиладиган иккита митинг бўлиб ўтмоқда. У жойлашган “Ала-Арча” давлат қароргоҳи хавфсизлик кучлари томонидан ўраб олинган.