Ссылки доступа

Өзбек бийлиги карантин чаралары күчөтүлө турганы жөнүндө билдирүүлөрдү четке какты


Өзбекстандын Саламаттык сактоо министрлиги 1-ноябрдан тартып өлкөдө карантиндик чектөөлөр күчөтүлө турганы жөнүндө билдирүүлөрдү четке какты.

«Социалдык түйүндөрдө карантиндик чектөөлөр 1-ноябрдан тартып күчөтүлөт экен деген ушактар тарап жатат. Мындай жалган маалымат таратуу менен калкты дүрбөлөңгө түшүрүүгө аракет кылгандар белгиленген тартипте жазага тартылат», — деп жазылган мекеменин билдирүүсүндө.

Өзбекстанда коронавируска байланыштуу март айында киргизилген карантиндик чектөөлөр акырындык менен 15-августта алынган.

Акыркы маалыматтар боюнча өлкөдө коронавирус жуктургандар 65 480 кишиге жетти. Алардын 62 615и айыгып, 550 бейтап каза болду.

Видео

Видео

Соодасы солгундаган "Дордой"
пожалуйста, подождите

No media source currently available

0:00 0:15:49 0:00
XS
SM
MD
LG