Адвокатнинг сўзларига кўра, журналнинг чиқарилиши жиноий туҳматдир, бунинг «сўз эркинлиги билан ҳеч қандай алоқаси йўқ». Бундан ташқари, прокуратура аллақачон президентни ҳақорат қилиш моддаси бўйича тергов бошлаган.
Чоршанба куни чоп этилган Чарлие Ҳебдонинг навбатдаги сонида Эрдўғаннинг муқовадаги суратини кўриш мумкин. Унда ярим кийинган Эрдўған қўлида ичимлик билан стулда ўтиради ва бошқа қўли билан исломий кийинган аёлнинг этагини кўтариб шундай дейди: “Вой, пайғамбар!“ Карикатурага изоҳ: “Эрдоған шахсий ҳаётида жуда ўйноқи”.
Чарлие Ҳебдодаги ушбу карикатура мактаб ўқитувчиси Самуэл Патининг ўлдирилишидан кейин Париж ва Анқара ўртасидаги муносабатлар инқирозга учраган бир пайтда пайдо бўлди. Ўқитувчи ўз ўқувчилари билан сўз эркинлигини муҳокама қилиб, дарс пайтида Муҳаммад пайғамбарнинг карикатураларини намойиш этган. 16 октябрда эса ўқитувчи ўлдириб кетилди.
Франция президенти Эммануэл Макрон ушбу ҳужумни «исломий террористик ҳужум» деб атади ва Ислом дини инқирозга учраганини айтди. Президент шунингдек, Франция Республикасининг дунёвий қадриятларини ҳимоя қилишга чақирди. Шундан сўнг, Эрдўған Макронни исломофобияда айблаб, уни «касал» деб атади ва «унинг руҳий ҳолатини текширишга» маслаҳат берди. Париж ўз навбатида элчисини Анқарадан чақириб олди.
Туркия ҳукумати карикатуранинг нашр этилишини қоралаб, уни «маданий ирқчилик ва нафратни тарқатиш» ҳаракати деб атади.