Мамлакат Ташқи ишлар вазирлиги томонидан тасдиқланган чартер рейслари жадвалига мувофиқ, учта рейс Москвадан, биттаси Санкт-Петербург, Екатеринбург ва Уфадан амалга оширилади.
Ушбу жадвалга кўра, 31 октябрь куни, шунингдек, Москвадан учта, Красноярскдан яна битта чартер рейси амалга оширилади. Барча экспорт рейслари Россия томони билан 31 октябрга қадар келишилган ва Тожикистон — Россия ўртасида мунтазам ҳаво қатнови тикланиши ёки йўқлиги ҳали маълум эмас.
Тожикистоннинг Россиядаги элчихонаси Тожикистон июль ойида Россия Федерациясига мунтазам рейсларни тиклашга тайёрлигини эълон қилди ва расмий ваколатли органларга расмий мурожаат юборилди. «Агар Россия бизнинг рейсларимизни қабул қилишга тайёр бўлса, биз ушбу мамлакатга мунтазам парвозларни тиклашга тайёрмиз, аммо ҳаммасини эмас албатта. Бу Россиядаги санитария-эпидемиологик вазиятга ва Россия ҳукуматининг қарорларига боғлиқ», деб таъкидлади элчихона.
Коронавирус пандемияси сабабли 20 мартдан бошлаб Тожикистон ва Россия ўртасида мунтазам парвозлар тўхтатилди. Тожикистон расмийларининг маълумотларига кўра, апрель-октябрь ойлари оралиғида 70 мингга яқин тожикистонлик фуқаро чартер рейслари билан мамлакатга қайтиб келишган.