Ссылки доступа

Қирғизистонда Миллий хавфсизлик давлат қўмитаси ва Ички ишлар вазирлигининг собиқ раҳбарлари қидирилмоқда


Орозбек Опумбаев, Кашкар Жунушалиев.

Миллий хавфсизлик давлат қўмитаси ва Ички ишлар вазирлигининг собиқ раҳбарлари қидирилмоқда, деди президент бош вазири вазифасини бажарувчи Садир Жапаров Боткен вилояти аҳолиси билан учрашувда.

У 5 октябрь воқеалари пайтида Умутбек Олтинбек ўғлининг ўлими учун ким жавобгар бўлади деган саволга жавоб берди.

“Умутбек унутилмайди, у бизнинг хотирамизда абадий қолади. Жиноятчилар жавобгарликка тортиладилар. Бугунги кунга қадар Ички ишлар вазирлиги ва Миллий хавфсизлик давлат қўмитасининг собиқ раҳбарлари қидирилмоқда. Буйруқни ким берган? Полиция билан одамлар ўртасидаги тўқнашувда айбдорлар жазоланади “, — деди Жапаров.

5 октябрь куни 4 октябрь куни бўлиб ўтган парламент сайловларида 7 фоизли сайлов чегарасини енгиб ўтмаган сиёсий партиялар вакиллари ва тарафдорлари Ала-Тоо майдонида митинг ўтказдилар. Намойиш тартибсизликларга айланиб, полиция билан тўқнашувлар бўлиб ўтди. Натижада 19 ёшли Умутбек Олтинбек ўғли вафот этди, 900 дан ортиқ одам жароҳат олди.

9 октябрь куни Президент Сооронбай Жеэнбековнинг фармони билан 2019 йил июнь ойида тайинланган Миллий хавфсизлик давлат қўмитаси раиси Орозбек Опумбаев лавозимидан озод этилди. Ички ишлар вазири Кашкар Жунушалиев тартибсизликлар ортидан иш жойига қайтмади. Унинг қаердалиги номаълум эканлиги маълум қилинди.

XS
SM
MD
LG