Ссылки доступа

Каннабис уруғини қайта ишловчи турк ширкати билан $230 миллионлик меморандум имзоланди


Cannabis treatment in Ukraine

Инновацион ривожланиш вазирлиги Туркиянинг “JFC ENERJI YATIRIM SANAYI ve TICARET A.Ş. ширкати билан Ўзбекистонда техник каннабис ўсимлигини етиштириш бўйича 229,6 миллион долларлик англашув меморандуми имзолади.

Вазирлик маълумотига кўра, ҳужжатга “INNOWEEK-2020” Халқаро инновацион ғоялар ҳафталиги доирасида қўл қўйилган.

Ўзбекистон билан меморандум имзолаган мазкур турк ширкати техник каннабис ўсимлиги уруғларини қайта ишлаш йўли билан озиқ-овқат, косметика, тўқимачилик, қурилиш маҳсулотларини ишлаб чиқишга ихтисослашгани айтилмоқда.

Қайд этилишича, каннабис энг тез ўсувчи экинлардан бири бўлиб, пахта билан солиштирганда 1 гектардан 4 баробар кўп целлюлоза олинади. Ўсимликка қишлоқ хўжалиги кимёвий препаратлари нисбатан камроқ ишлатилади, сувни ҳам анча кам талаб қилади.

“Техник каннабис 110 кун ичида 2-3 метрга етади ва бир мавсумда бир нечта ҳосил олиш имконини беради”, дейилади хабарномада.

XS
SM
MD
LG