Ссылки доступа

Грекияда ИМ тобунун мүчөсү деген шек менен Тажикстандын жараны кармалды


Грекиянын Триполис шаарында «Ислам мамлекети» террордук тобунун мүчөсү деген шек менен Тажикстандын 27 жаштагы жараны кармалды.

The National Herald басылмасы полициядагы булактарына таянып, тажикстандык жаран Грекияга 2017-жылы мыйзамсыз келгенин жазды. «Ал тажик оппозициясынын лидеринин тууганы экенин, саясий себептерден улам Тажикстандан чыгып кетүүгө аргасыз болгонун билдирген. Грекияда убактылуу жашап туруу укугуна ээ болгондон кийин Триполис шаарында батирде жашаган», — деп жазды басылма.

Грекиянын Ички иштер министрлиги (ИИМ) кармалган жаран боюнча кошумча маалымат алуу үчүн Тажикстандын бийлиги менен байланышканы кабарланууда.

Азырынча куугунтукта жүргөн тажик оппозициясынын жетекчилиги бул маалымат боюнча комментарий бере элек.

Видео

Видео

Манасчы Дөөлөттүн өнөр сереси (тасма маек)
пожалуйста, подождите

No media source currently available

0:00 0:57:50 0:00
XS
SM
MD
LG