Қырғыз астанасының басшысы қызметін уақытша атқарушы Балбак Тулобаевтің айтуынша, парламенттің жаңа спикері Талант Мамытов осындай нұсқау берген. Қоршаудың сәуір оқиғасы кезінде қаза тапқандарға арналған ескерткіш тақталар ілінген тұсы ғана қалады.
4 қарашада Жогорку Кенеш спикері болып сайланған Талант Мамытовтың пікірінше, осы арқылы билік «халыққа жақындай түседі».
Төртінші қазанда Қырғызстанда парламент сайлауы өтті. Ертесіне сайлау нәтижесіне келіспеген оппозициялық күштер митингіге шықты. 6 қазанға қараған түні наразы топ Ақ үйді басып алып, танымал саясаткерлерлерді түрмеден босатты.
Наразылық акциясы кезінде милиция жарық пен дыбыс шығаратын гранаталар қолданды. Соның салдарынан бірнеше адамның көзі көрмей қалды.