Намойишчилар комиссия раҳбарининг истеъфосини ва янги парламент сайловларини тайинланишини талаб қилмоқда.
Полиция намойишчилар бинога бостириб кирмоқчи бўлганлиги сабабли куч ишлатганликларини айтди. Бироқ, газдан фойдаланганини рад этади.
Расмий маълумотларга кўра, 31 октябрдаги сайловларда ҳукмрон «Грузия орзуси» партияси ғалаба қозонди. Мухолифат, унинг етакчи кучи — Михаил Саакашвилининг Бирлашган Миллий Ҳаракати — сайловларни сохталаштирилган деб атайди. Мухолифат вакиллари янги парламентдаги мандатларидан воз кечишларини айтишди.
Аввалроқ, Тбилисида якшанба куни бўлиб ўтган митингда оппозиция раҳбарлари МСКга талабларини қондириш учун «ультиматум» қўйишди. Аммо бу содир бўлмади, шундан сўнг намойишчилар МСК биносига бордилар, у ерда уларни полиция кутиб олди.