Мемлекеттік сатылым сайтының мәліметтеріне сүйенген басылымдардың хабарлауынша, UzAuto Motors компаниясы 2019 жылдың 27 қарашасында АҚШ-тың General Motors Distribution LLC компаниясымен келісіп, 199,9 миллион долларға Chevrolet Equinox автокөліктерін сатып алуға уағдаласқан.
Келісімде бір автокөліктің бағасы 22,8 мың доллар деп келісілген. Сатып алушы оны тасымалдау шығынын өзі көтереді.
«Өзбекстанда Chevrolet Equinox автокөлігі 33,6 мың доллардан сатылады, яғни компания оның үстіне 10,8 мың доллар қосады», - деп хабарлады өзбекстандық БАҚ.